قۇلاقتاندىرۋ

作者:     发布日期:2015/4/1     点击数:1044

تابيعي سۋ الابى ەكولوگيالىق قورشاعان ورتاسى مەن بالىق شارۋاشىلىعى بايلىق قاينارىن اناعۇرلىم ءونىمدى قورعاۋ ءۇشىن «جۇڭحۋا حالىق رەسپۋبليكاسىنىڭ بالىقشىلىق زاڭى»، «شينجياڭ ۇيعۇر اۆتونوميالى رايونىنىڭ < جۇڭحۋا حالىق رەسپۋبليكاسىنىڭ بالىقشىلىق زاڭىن> اتقارۋ ءادىسى» جانە «ىلە قازاق اۆتونوميالى وبىلىسىنىڭ ىلە وزەنى، ەرتىس وزەنى بالىق شارۋاشىلىعى بايلىق قاينارىن قورعاۋ ەرەجەسى» قاتارلى قاتىستى زاڭ، زاڭ-ەرەجە، قاعيدالار رۋحىنا نەگىزدەلە وتىرىپ، التاي قالاسىنىڭ 2015-جىلعى بالىق اۋلاۋعا تيىم سالۋ مەزگىلىندەگى قاتىستى ىستەردى تومەندەگىدەي ۇقتىرامىز:

ءبىرىنشى، بالىق اۋلاۋعا تيىم سالىناتىن ۋاقىت: 2015-جىلى 1-ساۋىردەن 30-ماۋسىمعا دەيىن.

ەكىنشى، بالىق اۋلاۋعا تيىم سالىناتىن اۋماق: التاي قالاسى قاراستىلىعىنداعى بارلىق تابيعي سۋ الاپتارى (وزەن ارناسى) جانە تابيعي كولدەر.

ءۇشىنشى، بالىق اۋلاۋعا تيىم سالۋ تالابى: بالىق اۋلاۋعا تيىم سالۋ مەزگىلىندە جوعارىدا اتالعان اۋماق ىشىندە بارلىق مەكەمە ورىننىڭ نەمەسە جەكەنىڭ ءار قانداي ءبىر اۋلاۋ قيمىلىن جۇرگىزۋىنە تيىم سالىنادى؛ ءارقانداي مەكەمە ورىننىڭ نەمەسە جەكەنىڭ زاڭسىز اۋلاپ ۇستاعان بالىق تۇرلەرىن ساۋدالاۋىنا، ساتىپ الۋىنا، تيجارات ەتۋىنە تيىم سالىنادى.

ءتورتىنشى، زاڭعا قايشىلىق جاساۋ جاۋاپكەرلىگى: «جۇڭحۋا حالىق رەسپۋبليكاسىنىڭ بالىقشىلىق زاڭى» قاتارلى زاڭ، زاڭ-ەرەجەلەرگە نەگىزدەلە وتىرىپ، پارتىلاتۋ، ۋلاۋ، توكپەن سوقتىرۋ قاتارلى بالىق شارۋاشىلىعى بايلىق قاينارىن بۇلدىرەتىن ادىستەرمەن بالىق اۋلاپ، بالىق اۋلاۋعا تيىم سالۋ اۋماعى مەن بالىق اۋلاۋعا تيىم سالۋ مەزگىلىنە قاتىستى بەلگىلەمەگە قايشىلىق ىستەپ بالىق اۋلاعانداردى نەمەسە قولدانۋعا تيىم سالىنعان بالىق اۋلاۋ جابدىقتارى مەن بالىق اۋلاۋ ءادىسىن قولدانعانداردى جانە ەڭ كىشكەنە تور كوزى ولشەمىنەن كىشكەنە بولعان تور جابدىقتارىمەن بالىق اۋلاعانداردى نەمەسە اۋلاعان بالىعىندا شاباقتاردىڭ مولشەرى بەلگىلەنگەن سالىستىرمادان اسىپ كەتكەندەردىڭ اۋلاعان بالىعى مەن زاڭسىز تابىسى تاركىلەنىپ، 50 مىڭ يۋاننان  تومەن ايىپ سالىنادى؛  اۋىر زارداپ تۋدىرعاندارىنىڭ بالىق اۋلاۋ جابدىقتارى تاركىلەنىپ، بالىق اۋلاۋ رۇحسات كۋالىگى كۇشىنەن قالدىرىلادى؛ ەرەكشە اۋىر زارداپ تۋدىرعاندارىنىڭ بالىق اۋلاۋ قايىعىن تاركىلەۋگە بولادى؛ قىلمىس قالىپتاستىرعانداردىڭ زاڭ بويىنشا قىلمىستىق ءىس جاۋاپكەرشىلىگى قۋزاستىرىلادى.

بەسىنشى، التاي قالالىق بالىق شارۋاشىلىعىن اكىمشىلىك باسقارۋ پۋنكتى قاراستى اۋماقتاعى بالىق شارۋاشىلىعى بايلىق قاينارىن قورعاۋ جانە باقىلاپ باسقارۋعا جاۋاپتانادى.

التىنشى، قاتىستى ورىندار مەن جەكەلەردىڭ بالىق اۋلاۋعا تيىم سالۋ مەزگىلىندەگى قاتىستى بەلگىلەمەلەرگە قاتاڭ بويسىنۋىن،  سونىمەن قاتار زاڭعا قايشىلىق ىستەۋ دەلولارىن دەركەزىندە بەلسەندىلىكپەن اشكەرەلەپ مالىمدەۋىن ءۇمىت ەتەمىز. اشكەرەلەۋ تەلەفون ءنومىرى: 09062136209، 09062136178، 18997795276

 

التاي قالالىق حالىق ۇكىمەتى

2015-جىلى 31-ناۋرىز

上一篇:التاي قالالىق حا…  下一篇: