ۇلتتىق سالت- سانا كوشەسىندەگى قۇرىلستارى پايدالانۋعا بەرىلە باستادى

作者:     发布日期:2016/10/27     点击数:558

 

     ەرزات ساميعات ۇلى حابارلايدى. 21-قازاندا، قىران وزەنىنىڭ باتىس جاعالاۋى يگىلىك جولىنىڭ وڭتۇستىگىندەگى التاي ۇلتتىق سالت- سانا كوشەسىندەگى كوفەحانا مەن يمپورت بۇيىمدارىن ساتاتىن دۇكەن سىناق رەتىندە پايدالانۋعا بەرىلدى. سالت- سانا كوشەسىنىڭ قۇرىلسارى بۇكىلدەي اياقتالىپ، پايدالانۋعا بەرىلگەندە، قالامىزدىڭ كوڭىل اشۋ سەرۋەندەۋ ساياحات كاسىبى ىستەرى ونان ارى جاندانا تۇسەتىن بولادى.

التاي ۇلتتىق سالت- سانا كوشەسىنە بارا قالساڭىز ەڭ الدىمەن رەتتى سالىنعان ەۆروپا ۇلگىسىندەگى ساۋلەتتى قۇرىلستار كوزگە تۇسەدى.  مۇنداعى روسسيا مادەنيەتى مەن قازاق مادەنيەتى ۇشتاستىرىلعان  كوفەحانانىڭ  رەسىمي تيجارات باستاۋى، ۇلتتىق سالت- سانا كوشەسىندەگى قۇرىلستاردىڭ بىرتىندەپ تيجارات جۇرگىزە باستاعاندىعىنان  دەرەك بەرەدى، يمپورت بۇيىمدارىن ارناۋلى ساتۋ دۇكەنىندە، ءتۇرلى يمپورت ەتىلگەن ازىق-تۇلىكتەر، بوبەكتەردىڭ تۇرمىستىق بۇيىمدارى، تەرى قورعاۋ بۇيىمدارى، دەنساۋلىق ساقتاۋ بۇيىمدارى قاتارلىلار ساتىلادى. ۇلتتىق سالت- سانا كوشەسىندەگى كوفەحانانىڭ تيجارات باستاعانىن ەستىگەن ليۋ جيانمەي، وتباسىنداعىلارمەن  بىرگە كەلىپ جايلى ورتادان ءلازاتتاندى.

   قالا تۇرعىنى ليۋ جيانمەي بىلاي دەدى: «بۇل ارانىڭ قۇرىلس اشەكەيى وزگەشە، ورتاسى تىنىش جانعا جايلى  بولعاندىقتان وتباسىمىزداعىلاردى  نەمەسە جاقىن دوستارىمدى ەرتىپ كەلىپ وسىندا كوفە ىشەمىز».

  جالپى ۇزىندىعى 500 مەتر كەلەتىن التاي ۇلتتىق سالت- سانا كوشەسى، قالانىڭ وڭتۇستىك پەن سولتۇستىكتىگىن تۇتاستىرىپ، قىران وزەنىمەن جاناسىپ، قالامىزداعى  بىردەن بىر وزەن جاعاسىنا ىرگە تەپكەن ساياحات كورىنس رايونى بولىپ، قالامىزدىڭ دارالىق ەرەكشەلىگىن ونان ارى ايگىلەپ قالماستان  " قالا كورىنىسى مەن كاسىپ سالاسى ءبىر تۇلعالانعان" قالا قۇرىپ، قالامىزدىڭ ساياحات ىستەرىنىڭ دامۋىنا بەرىك نەگىز قالادى.   

التاي ۇلتتىق سالت سانا كوشەسى نىسان قۇرىلسىنىڭ جاۋاپتىسى ۋ حاۋجياڭ بىلاي دەدى: «التاي قالاسىنداعى قالا تۇرعىندارعا جوعارى ورەدەگى تۇرمىس ورتاسىن جاراتۋ سونداي اق جوعارى ورەدەگى تۇرمىس ءتاسىلى مەن كوڭىل اشۋ مادەنيەت قيمىلدارىن قىران وزەنى بويىندا ءتىپتى دە دامىتۋدى كوزدەپ وتىرمىز»-دەدى.

上一篇:التاي قالاسىنىڭ…  下一篇: