تۇڭعىش كەزەكتى شينجياڭ كولەمىندەگى ۇزدىك كومەيشىلەر

作者:     发布日期:2016/11/28     点击数:492

نازيرا نۇرلان قىزى حابارلايدى. 20-قاراشادا، قالالىق ۇكىمەت باس بولىپ، قالالىق مادەنيەت دەنەتاربيە مەكەمەسى، مادەنيەت سارايى، بەيزاتتىق مادەني مۇراعاتتاردى قورعاۋ ورتالىعى سەلبەسىپ وتكىزگەن تۇڭعىش كەزەكتى رايونىمىز كولەمىندەگى ۇزدىك كومەيشىلەردىڭ ۇسىنىس جارىسى التاي ۇلتتار مادەنيەت قيمىل ورتالىعىندا ءوتتى. ىلە وبىلىسى، تارباعاتاي ايماعى، كۇيتۇن قالاسى، قاراماي قالاسى قاتارلى ورىنداردان كەلگەن جانە ايماعىمىز كولەمىندەگى كومەي شەبەرلەرى كورەرمەندەرىن كومەي ونەرىنىڭ مايەگىمەن سۋسىنداتتى.

وسىدان ءجۇز جىل بۇرىن داۋرەندەگەن، كەيىن ءبىر مەزەت جالعانباي قالعان كومەيمەن ورىنداۋ ونەرىنىڭ بۇگىنگى مۇراگەرلەرى دە نەگىزىنەن ايماعىمىز بەن ىشكى مۇڭعۇل وڭىرىندە ساقتالعان. وسىنداي كىلەڭ كومەيگە سۇيەنىپ، سان الۋان دىبىس شىعارۋ تەك ساحارانى مەكەندەگەن ۇلتتارعا عانا ءتان كوركەمونەرلىك دارالىق.

جارىستا  شينجياڭنىڭ جەر-جەرىنەن كەلگەن كومەي شەبەرلەرى قيان-كەسكى باسەكەگە ءتۇسىپ، تارتىمدى كۇركىرەمە ونەرىمەن كورەرمەندەردىڭ القاۋىنا بولەندى.

كورەرمەن توقتارحان بىلاي دەدى: «ۇعىسۋىمىزشا، بۇل رەتكى جارىس ءۇش كۇنگە جالعاسىپ، كومەي ونەر كۋرسى، قارا جارىس جانە شەشۋشى جارىستى قامتىعان. جارىستىڭ اشىق، ءادىل بولۋىنا كەپىلدىك ەتۋ ءۇشىن، اۆتونوميالى رايون دارەجەلى بەيزاتتىق مادەني مۇراعاتتار سالاسىنىڭ «مۇڭعۇل كومەي ونەرى»، «مۇڭعۇل شور ونەرى»، «قازاق كومەي ونەرىنىڭ»  ۋاكىلدىك مۇراگەرلەرى  ادىلعازىلىققا ۇسىنىس ەتىلىپ،  ناق مايداندا نومەر قويىپ، باعالاۋ جۇرگىزدى».

كۇيتۇن قالالىق ءان-ءبي ۇيىرمەسىنىڭ ورىنباسار باستىعى زايت اسقار ۇلى: «جارىستا قارا وزىپ العا شىعىپ، كورەرمەندەردىڭ تاڭدايىن قاقتىرىپ، ءادىلقازىلاردىڭ جوعارى باعاسىنا يە بولىپ، باس جۇلدەنى قانجىعالاعان، باعدات سانسىزباي ۇلى ۇزاق جىل بويى ۇلتىمىزدىڭ كومەي ونەرىن ۇلاعاتتاپ، مۇراگەرلىك ەتىپ، سان مارتە سيلىق تورىنەن ورىن الىپ كەلە جاتقان «تۇمار» توبىنىڭ قۇرامىندا ءوزىن شىڭداپ، ونەرىن ۇشتاپ كەلە جاتقان تالانىتتى جاس. ونىڭ ءداستۇرلى ورىنداۋ تاسىلىنە وسىزامانعى ەلەمەنتتەردى ۇشتاستىرا وتىرىپ ورىنداعان كۇركىرەمەسى كوپتىڭ كوڭىلىنەن شىقتى.

باس جۇلدەنىڭ يەگەرى باعدات سانسىزباي ۇلى: «ۇعىسۋىمىزشا، وتكەن عاسىردىڭ 90-جىلدارىنداعى سىرتقى مادەنيەتتىڭ ىقپالىندا، حالىق اراسىندا تارالىپ كەلە جاتقان ءداستۇرلى مادەني مۇرالاردىڭ ءتۇسى سولعىنداي باستاعان، 2006-جىلدان باستاپ، قالامىز جەرلىك بەيزاتتىق مادەني مۇراعاتتاردى قورعاۋ جانە قايتالاي جالعاۋعا بارىنشا كۇش سالدى. كەزەكتە، قالامىزدا مەملەكەت دارەجەلى بەيزاتتىق مادەني مۇراعات نىسانىنان ەكەۋى، اۆتونوميالى رايوندىق بەيزاتتىق مادەني مۇراعات نىسانىنان 10ى، ايماق دارەجەلى بەيزاتتىق مادەني مۇراعات نىسانىنان 18 ى بار. جۋىق جىلداردان بەرى، قالامىز تالماي قۇلشىنىپ، ۇمىت بولۋعا اينالعان ءداستۇرلى كۇركىرەمە ونەرىن قايتالاي جاڭعىرتىپ، تىرشىلىك تىنىسىن باعىشتادى».

 

上一篇:گەنارال تاۋى قار…  下一篇: