«ۇلتتار ىنتىماعىنىڭ بەرەكەلى شاڭىراعى» اتىنداعى كومەديا جارىسى ءوتتى

作者:     发布日期:2016/12/23     点击数:863

ۇلتتىق مادەنيەتتى جالعاپ، ۇلتتار ارا ىنتىماقتى جەبەۋدى ماقسات ەتىپ، حالىق ونەرپازدارىنىڭ ساحارادان ساحناعا كوتەرىلۋىنە وراي جاراتۋ ءۇشىن، 20-جەلتوقساندا، قالالىق پارتكوم ۇگىت ءبولىمى باس بولىپ ۇيىمداستىرعان «ۇلتتار ىنتىماعىنىڭ بەرەكەلى شاڭىراعى» اتىنداعى جاڭا جىلدى قارسى الۋ اۋىل-قالاشىق كومەديا جارىسى ۇلتتار مادەنيەت دەنەتاربيە قيمىل ورتالىعىندا ءوتتى. قالالىق پارتكومنىڭ شۋجيى مۇقيات نۇرمۇقامەت ۇلى باستاعان قالانىڭ ءتورت باسشىلىق القاسىنىڭ قالادا بار باسشىلارى كورەرمەندەرگە بىرگە جارىستى تاماشالادى.

ءۇش كىسىلىك توپتىڭ اسەم انىمەن باستالعان جارىسقا اۋىل-قالاشىق، فەرمالاردان 100 دەن استام ونەرپاز قاتىناسىپ، ءوز ونەرىن ايگىلەپ، ارتىقشىلىقتارىن ساۋلەلەندىرە ءبىلدى. ولاردىڭ دايىنداعان كومەديالارى تۇرمىستاعى وزگەرىستى، دامۋدى مازمۇن ەتىپ، قالامىزدىڭ ۇلتتار ىنتىماعى رايىن ايگىلەپ، جارىس مايدانىنىڭ دۋمانىن اسىرىپ، كورەمەندەردى كوڭىلىن كوتەرىپ تاستادى.

قيمىلدىڭ ماقساتى: ءار ۇلت كادر بۇقاراسىن اتتانىسقا كەلتىرىپ، ۇلتتار ىنتىماعىن قورعاپ، پارتيا 18-كەزەكتى ورتالىق كوميتەتى التىنشى جالپى ءماجىلىسىنىڭ، اۆتونوميالى رايوننىڭ 9-رەتكى پارتيا ۋاكىلدەر قۇرىلتايىنىڭ رۋحىن دايەكتى تياناقتاندىرىپ، تۇتاس قالا كولەمىندەگى بۇقارانىڭ بەلسەندىلىگىن قوزعاۋ بولدى. كومەديالاردى اۋىل، قالاشىقتاعى ونەرپازدارى وزدەرى دايىنداعان بولىپ، «ۇلتتار ىنتىماعىنىڭ بەرەكەلى شاڭىراعىن» باستى تاقىرىپ ەتىپ، كومەديا جانرى ەرەكشەلىگىنەن پايدالانىپ، ۇلكەن قوعامدىق جاعداي مەن ۇلتتار ارا وزگەشە سۇيىسپەنشىلىكتى بەينەلەپ، ءار ۇلت كادر جۇرتشىلىعىن «ۇلتتار ىنتىماعىنىڭ بەرەكەلى شاڭىراعى» قيمىلىنىڭ ماڭىزدى ءمانىن جەتە تۇسىنۋگە جەتەلەدى.

بىرىنەن-ءبىرى وتكەن تارتىمدى، قىزىقتى كومەديالار كورەرمەندەر مەن باعالاۋشىلاردىڭ كوڭىلىنەن شىعىپ، سوڭىندا، ءابيتان قالاشىعى تاڭداپ ۇسىنعان «جۇلدىزى جانعان قىستاق باستىعى» اتتى كومەديا باس جۇلدەنى ەنشىلەدى.

上一篇:تۇڭعىش كەزەكتى ش…  下一篇: