جۇڭگو-التاي حالىقارالىق قار-مۇز مەرەكەسىنىڭ باستالۋ سالتى ءوتتى

作者:     发布日期:2017/1/18     点击数:436

16-قاڭتاردا، اۆتونوميالى رايوندىق ساياحات مەكەمەسى، اۆتونوميالى رايوندىق دەنە تاربيە مەكەمەسى، ايماقتىق اكىمشىلىك مەكەمەسى باس بولىپ، ايماقتىق ساياحات مەكەمەسى، ايماقتىق مادەنيەت، دەنە تاربيە، راديو، كينو، تەلەۆيزور، احپارات، باسپا-ءسوز مەكەمەسى، قالالىق حالىق ۇكىمەتى ۇيىمداستىرعان 6-ماۋسىمدىق جۇڭگو-التاي حالىقارالىق قار-مۇز مەرەكەسى جانە 11-كەزەكتى ادامىزاتتىڭ ەڭ بايىرعى قار شاڭعى مەكەنى ەسكە تۇسىرۋ قيىمىلىنىڭ باستالۋ سالتى گەنارال تاۋى قارشاڭعى الاڭىندا سالتاناتپەن ورىستەتىلدى. دىڭ جاڭۋ، تالعات ۇسەن ۇلى، مۇقيات نۇرمۇقامەت ۇلى، جاڭ جىجۇن قاتارلى ايماق، قالا باسشىلارى مەن مىڭعا جۋىق بۇقارا قيمىلعا قاتىناستى.

ايماقتىق پارتكومىنىڭ مۇشەسى، اكىمشىلىك مەكەمەسىنىڭ ۇنەمىلىك ىستەرگە جاۋاپتى ءۋاليى شي جۇڭجياڭ اشىلۋ سالتىن باسقاردى. اكىمشىلىك مەكەمەسىنىڭ ءۋاليى تالعات ۇسەن ۇلى قۇتتىقتاۋ ءسوزىن سويلەدى.

تالعات مىنالاردى اتاپ كورسەتتى:«بۇگىن جۇڭگو التاي 6-رەتكى قار-مۇز مەرەكەسىن دانەكەر ەتىپ قار- مۇز سالتاناتىن ايگىلەيتىن ۇلىڭگىر كولىندەگى قىسقى بالىق اۋلاۋ مەرەكەسى، كوكتوعاي اۋدانىنىڭ «جۇڭگٶداعى سۋىق ۇيەك» تاقىرىبىنداعى 6- كەزەكتى قار- مۇز كوركەم تابيعات مازمۇنىنداعى ساياحات قيمىلى، التاي تاۋىنداعى دالالىق شاڭعى باقشاسىندا تىك ۇشارمەن شاڭعى تەبۋ قيمىلى سەكىلدى مول مازمۇندى ءارى تارتىمدى 24 ناقتى قيمىلدى بەلسەنە ورىستەتۋگە كىرىستىك. وسى قيمىلدار ەل ءىشى- سىرتىنان كەلگەن ساياحاتشىلارعا شىت جاڭا، وزگەشە اسەر بەرەرى داۋسىز، وسى ارقىلى التايداعى ساياحات كاسىبىن جالپى وڭىرلىك ساياحاتقا جەدەل ويىستىرىپ، قىسقى ساياحاتتى التايداعى ساياحات كاسىبىنىڭ دامۋىنداعى ماڭىزدى ارتۋ تۇيىنىنە اينالدىرىپ، التايداعى جالپى وڭىرلىك ساياحات كاسىبىنىڭ جاڭا جاعدايىن جەدەل قالىپتاستىرۋعا بولادى. باسشىلار مەن قوناقتارعا، ءار سالاداعى دوستارعا بارىنشا ويداعىداي قىزمەت وتەپ، باسشىلاردى، قوناقتاردى، ءار سالاداعى دوستاردى قۇشاق جايا قارسى الامىز، التايعا كەلىپ التايدىڭ قىسقى قار- مۇز مادەنيەتىنىڭ وزگەشە باۋراعىشتىعىن شىنايى سەزىنىپ، التايداعى قار- مۇز سالتاناتىنا ورتاقتاسىڭىزدار».

اۆتونوميالى رايوندىق ساياحات مەكەمەسىنىڭ شارلاۋشىسى ياڭ شينمين، موڭعۇليا بايانولگەي ايماعىنىڭ باستىعى عىلىمقان، موڭعۇليانىڭ قوبدا ايماعىنىڭ ورىنباسار باستىعى باتسۋكى ارناۋ ءسوز سويلەدى. ايماق باسشىلارىنان داي جيانشين، چي چۇڭجياڭ، ما شۋەلياڭ، قادىم راحىمباي ۇلى قيمىلدىڭ باستالۋ سالتىنا قاتىناستى.

 وسى رەتكى حالىقارالىق قار- مۇز ساياحات قيمىلىندا بايىرعى شاڭعى جارىسى، التاي تاۋىنىڭ توڭىرەگىندەگى «ءتورت ەل، كوپ جاقتىڭ» قار- مۇز ۇسىنىس جارىسى، ءدامدى تاعامداردى سالىستىرىپ باعالاۋ قيمىلى سياقتى الۋان ءتۇرلى قيمىلدار وتكىزىلەدى ەكەن.

上一篇:ەلىمىزدەگى تۇڭع…  下一篇: