«ۇلتتار ىنتىماعىنىڭ بەرەكەلى شاڭىراعى» اتىنداعى شاعاندى قارسى الۋ اڭگىمە جينالىسىن وتكىزدى

作者:     发布日期:2017/1/25     点击数:234

23-قاڭتاردا، قالالىق ساياسي كەڭەس «ۇلتتار ىنتىماعىنىڭ بەرەكەلى شاڭىراعى» اتىنداعى شاعاندى قارسى الۋ اڭگىمە جينالىسىن وتكىزدى. جينالىسقا مۇقيات نۇرمۇقامەت ۇلى، سۇڭ نايۇي، قىزىر ءبىلال ۇلى، ليۋ ۇينسۇن، سەرىك ءابدىعاني ۇلى قاتارلى باسشىلار، ءارقايسى اۋىل، قالاشىق، فەرما، كوشە ءىس باسقارمالارىنىڭ نەگىزگى باسشىلارى، قارت كادرلار، قارت پارتيا مۇشەسى، ءمورال ۇلگىسى، مۇمكىندىگى شەكتەۋلى جاندار، ۇلتتار ىنتىماعىنداعى ۇزدىك جەكەلەردىڭ ۋاكىلدەرىن قامتىعان 200 دەن استام ادام قاتىناستى.

اڭگىمە جينالسىندا، قالالىق پارتكومىنىڭ شۋجيى مۇقيات نۇرماقامەت ۇلى قالامىز ءتورت باسشىلىق القاسى اتىنان ءارۇلت بۇقاراسىنا جانە قوعامىنىڭ ءارسالاسىنداعى ءار كاسپپەن شۇعىلدانىپ جاتقان كادر، قىزمەتكەرلەرگە، التايدا تۇراتىن اسكەري بولىمدەگى كاماندير-جاۋىنگەرلەرگە، قوعام حاۋپسىزدىگى سالاسىنداعى كادر-ساقشىلارعا، شينجياڭعا كومەككە كەلگەن جولداستارعا، التايدىڭ دامۋىن قولداپ-قۋاتتاپ كەلەجاتقان دوستارعا شاعان مەرەكەسىنىڭ قۇتتى بولۋىن ايتىپ، شىنايى حال سۇرايتىندىعىن ءبىلدىردى. سونىمەن قاتار 2016-جىلعى قالامىزدىڭ ءتۇرلى قىزمەتتەرىنەن بايانداما جاساپ، كەزەكتەگى قوعام جانە ەكونوميكا دامۋىنىڭ بەتالىسى مەن بولاشاق دامۋ جوسپارىن ورتاعا قويدى.

جيىندا، ۇلتتار ىنتىماعىنداعى ۇزدىك جەكە، ءدىني قايىراتكەرلەر، قايىر-ساقاپات قوعامى قاتارلى ورىنداردىڭ ۋاكىلدەرى جەكە-جەكە لەبىز ءبىلدىردى. قالامىزداعى كوركەمونەر اۋەسكەرلەرى وزدەرى دايىنداعان ويىن نومىرلەرىن كوپپەن ءبولىسپ، جينالىستىڭ سالتاناتىن اسىرىپ، ساحنانى سانگە بولەپ، ءارۇلت بۇقاراسىنىڭ ءوزارا ۇيىرەنىپ، جاراسىمدى تۇرمىس كەشىرەتىن باقىتتى التاي قۇرۋداعى تىلەگىن بەينەلەدى.

上一篇:مەرەكە قارساڭىن  下一篇: