كوكتەم كەلىپ...

作者:     发布日期:2017/4/10     点击数:322

مۇڭال اسەي ۇلى

 

كۇتكەن كوپتەن،

كەلىپ كوكتەم.

الدى كوپتىڭ ىقىلاسىن،

كۇلىمدەپ كۇن،

زەڭگىر كوكتەن،

توكتى شۇلەن شۇعىلاسىن.

ساسقالاقتاپ،

قاشقالاقتاپ،

قار پانالاپ تەرىستى،

سۋ جىنىگىپ،

مۇز بۇلىنىپ،

سەڭ ساتىرلاپ تەبىستى.

ءوتتى وتامال،

ساۋمال سامال،

قۋىپ قىستىڭ ىزعارىن.

ايداپ سالدى،

ايباتتاندى،

ءبىل دەگەندەي ءبىز بارىن.

سىرشىل ورمان،

مىڭ بۇرالعان،

كوبەيىپتى سىبىرى.

بۇر اشۋعا،

تۇر اسىعا،

بۇلىك-بۇلىك ەتىپ بۇيىرى.

تۇمانداتىپ،

دۋمانداتىپ،

جەتتى قۇستار كەرۋەن بوپ.

بىيىل جازداي،

جۇبىن جازباي،

قايتپاقشى بوپ سەرۋەندەپ.

مالشى دا ەر عوي،

جۇتقا بەرمەي،

ءتورت تۇلىگىن تولدەتتى.

ۇقىپتى ىسكە،

ەسەبى ىشتە،

ديقان جەرىن وڭدەپتى.

جان-جانۋار،

الداعى بار،

ءۇمىتتى ىسكە قۇلشىنىپ.

كوكتەم كەلىپ،

كوكتەمگە ەرىپ،

باستالدى تىڭ تىرشىلىك.

كەلۋ قاينارى: التاي اقپارات تورابى

上一篇:ۇلىستىڭ ۇلى كۇنى  下一篇: