التاي قالاسىنان قومعا دەيىن 182 كيلومەترلىك جول سالىنادى

作者:     发布日期:2017/4/16     点击数:313

التاي قالاسىنان قومعا دەيىن 182 كيلومەترلىك 2-دارەجەلى تاسجول سالىنادى، بۇل جول جاسالىپ بولعاننان كەيىن، ەل ءىشى-سىرتىنداعى ساياحاتشىلار قاناس-قوم كورىنىس رايوندارىنا بارۋ ءۇشىن بۋىرشىن اۋدانىن اينالماي-اق التاي قالاسىنىڭ كورىكتى ۋشىلىك جايلاۋىمەن تەك 3 ساعاتتا توتە بارا الاتىن بولادى.

اۆتونوميالى رايوندىق ورتانى قورعاۋ مەڭگەرمەسىنىڭ توراپ ايالداماسىندا تاراتىلعان «التاي قالاسىنان قومعا دەيىن جاڭا تاسجول سالۋ قۇرىلىس نىسان ينجەنەرياسىنىڭ» العاشقى قورشاعان ورتا ىقپالىن باعالاۋ كورسەتپەسىنەن ۇعىسۋىمىزشا، بۇل قۇرىلىس التاي قالاسىنان باستالىپ، قوم اۋىلىنا دەيىن جالعاساتىن بولىپ، جالپى ۇزىندىعى 182.548 كيلومەتر، 2-دارەجەلى تاسجول قۇرىلىسى ولشەمى بويىنشا سالىنادى، مەجەمەن اۆتوكولىكتىڭ ساعاتتىق جىلدامدىعى ساعاتىنا 60 كيلومەتر، ايىرىم قيىن جول بولەكتەرىندە ساعاتىنا 40 كيلومەتر بولادى.

بۇل قۇرىلىس نىسانىنىڭ سالىنۋى التاي قالاسىنىڭ ءوڭىرلىك ساياحات ۇلگى رايونى، A5 دارەجەلى كورىنىس قالاسىن قۇرۋ جانە ساياحاتتى دامىتۋ قادامىن جەدەلدەتۋگە ءتيىمدى بولۋىمەن قاتار، ساياحات رايونىنا كىرۋ جانە قولايلىلىعىن جوعارىلاتادى، ءارى شەكارانى شارالاۋ، شەكارانى بەكەمدەۋ، ورماندى ورتتەن ساقتاۋ، مالشىلاردىڭ كوشى-قون جاعدايىن جاقسارتۋ قاتارلى جاقتاردا ماڭىزدى مانگە يە، تاسجول قۇرىلىسىنىڭ ەرتەرەك سالىنىپ، بۇقاراعا قولايىلىق جاراتۋىن ءۇمىت ەتەمىز.

上一篇:التاي قالالىق پا…  下一篇: