كوكتەمگى مىندەتتى اعاش ەگۋ قيمىلىن ورىستەتتى

作者:     发布日期:2017/4/20     点击数:416

التاي قالاسىنىڭ قالا ماڭى ەكولوگيالىق ورتاسىن اناعۇرلىم كەمەلدەندىرىپ، قاعىر تاۋدى جاسىلداندىرۋدى باركۇشپەن ىلگەرىلەتۋ ءۇشىن، 18-ءساۋىر كۇنى، التاي قالاسى ناروركەش تاۋىندا كوكتەمگى مىندەتتى اعاش ەگۋ قيمىلىن ورىستەتتى. جاڭ جىجۇن، سۇڭ نايۇي، سەرىك قاتارلى قالانىڭ ءتورت باسشىلىق القاسىنىڭ باسشىلارى جانە ايماق قالاعا قاراستى تاراۋلارداعى (مەكەمە) جۇمىسىشى-قىزمەتكەرلەر بولىپ ون مىڭعا جۋىق ادام اعاش ەگۋ قيمىلىنا قاتىناستى.

سول كۇنى تۇستەن بۇرىن، قالالىق پارتكومنىڭ ورىنباسار شۋجيى، قالا باستىعى جاڭ جىجۇن، قالالىق حالىق قۇرىلتايى پارتگرۋپپاسىنىڭ شۋجيى سۇڭ نايۇي، قالالىق ساياسي كەڭەستىڭ ءتوراعاسى سەرىك قاتارلى باسشىلاردىڭ باستاماشىلىعىندا كوپشىلىك گرۋپپالارعا ءبولىنىپ ءبىرى قالامشا تاسىىپ، قالامشا وتىرعىزسا، ەندى ءبىرى تىڭايتقىش تاسىپ، قالامشانى باپتاپ ەگىپ كوپشىلىك قابارلاس كۇيگە ەندى.

جاقىنعى جىلداردان بەرى، التاي قالاسى «ورتانى قورعاۋدا الدا بولىپ، ەكولوگيالى قالا قۇرۋ» دامۋ يدەياسىنا باستان-اياق تاباندى بولىپ، شامامەن 260 ميلليون قارجى قوسىپ، ىلگەرىندى-كەيىندى گەنارال تاۋى، ناروركەش تاۋى، وڭتۇستىك رايون، لاس سۋ تازارتۋ قويماسى قاتارلى ورىنداردى جاسىلداندىرۋ ينجەنەرياسىن اتقارىپ، قالا ماڭىنىڭ ەكولوگيالىق ورتاسى مەن قالا-قالاشىق تۇرعىندارىنىڭ ورتاسىن ۇزدىكسىز جاقسارتتى.

ناروركەش تاۋىنىڭ قاعىر تاۋدى جاسىلداندىرۋ 2-مەرزىمدىك ينجەنەرياسى ناروركەش تاۋىنىڭ سولتۇستىك بولەگى جانە باتىس بولەگى بولىپ، 6 مىڭ مۋ جەردى جاسىلداندىرۋ، 230 مىڭ قالامشا وتىرعىزۋ جوسپارلاندى، مۇنىڭ ىشىندە 2016-جىلى كۇزدە 3 مىڭ مۋ جەرگە 110 مىڭ قالامشا وتىرعىزىلىپ بولدى. 2017-جىلى كوكتەمدە قاعىر تاۋدى جاسىلداندىرۋ ينجەنەرياسىنىڭ 2-مەرزىمدىك قىزمەتىندە 3 مىڭ مۋ جەرگە 120 مىڭ قالامشا وتىرعىزۋ جوسپالاندى. 2020-جىلعا بارعاندا مەجەمەن قالا ماڭىنداعى 68 مىڭ مۋ جەر تۇگەلدەي جاسىلدانىپ، قالاداعى تۇرعىندارى مەن سىرتتان كەلگەن سياحاتشىلاردىڭ سەرۋەن قۇراتىن سايالى باعىنا اينالادى.

上一篇:التاي قالاسىنان…  下一篇: