بەيتۇن-التاي تەمىر جولى ىسكە قوسىلادى

作者:     发布日期:2017/6/7     点击数:265

2-ماۋسىمدا، بەيتۇن-التاي تەمىر جولىنىڭ سىناق رەتىندە ىسكە قوسىلۋ جونىندەگى احپار جاريالاۋ جيىنى قالامىزدا اشىلدى. ۇعىسۋعا قارعاندا، بەيتۇن-التاي تەمىر جولى 10-ماۋسىمنان باستاپ سىناق رەتىندە ىسكە قوسىلىپ، قالامىزدا تەمىر جول جوق بولۋ تاريحىن اياقتاتىپ، قالامىز تەمىر جول تورابى قاتارىنا كىرەدى ەكەن.

بەيتۇن-التاي تەمىر جولى رەسىمي ىسكە قوسىلعاننان كەيىن، سولتۇستىك شىينجياڭ وڭىرىنە تەمىر جول جالپىلاستىرۋ ىسىن ورىنداپ، قالامىزدىڭ ءبىر بەلدەۋ، ءبىر جول قۇرىلسىنا الماسۋىن ىلگەرلەتەدى. ءوڭىرلىك ەكونوميكاسى مەن قوعام دامۋىنا تىڭ سەرپىن سيلايدى.

تەمىر جول تورابى جوسپارىنىڭ ماڭىزدى قۇرامداس بولەگى بولعان بەيتۇن-التاي تەمىر جولى وڭتۇستىكتە كۇيتۇن-بەيتۇن تەمىر جولىمەن، شىعىستا سالىنۋ ۇستىندەگى التاي-كوكتوعاي-شىعىس جۇڭعار تەمىر جولىمەن تۇتاسادى. بۇل تەمىر جول جەلىسى كۇيتۇن-بەيتۇن تەمىر جولى بەيتۇن قالاسى بەكەتىنە كەلگەننەن كەيىن، بەيتۇن قالاشىعىنداعى ەرتىس وزەنى جانە قىران وزەنىنەن كەسىپ ءوتىپ التاي قالاسىنا جەتەدى. جالپى ۇزىندىعى 67.5 كيلومەتر، بالباعاي ايالداماسى مەن التاي ايالداماسى بار، قۇرىلىس 2014-جىلى ءساۋىر ايىنان باستاپ سالىنعان، بەيتۇن-التاي تەمىر جولى ىسكە قوسىلعاننان كەيىن ءارۇلت بۇقاراسىنا قولايىلى قاتىناس ورتاسىن جاراتىپ قالماستان، قالامىزدىڭ ەكونوميكاسىنىڭ دامۋى مەن قوعامىنا زور قوزعاۋشى كۇش قوسىپ، تەمىر جول-تاسجول-اۋە جول ءبىر تۇلعالانعان قاتىناس تورابىن كەمەلدەندىرىپ، جاقىن ماڭداعى وڭىرلەردى اشۋدى جەدەلدەتىپ، ءوڭىرلىك ساياحاتتى جەدەل دامىتۋدا باستاماشىلىق رول اتقارادى، ءتىپتى تۇتاس شينجياڭىنىڭ ساياحات كاسىبىن دامىتۋدا زور قوزعاۋشىلىق كۇشكە يە بولىپ، قالامىزدىڭ جىبەك جولى ەكونوميكالىق بەلدەۋىنىڭ سولتۇستىك جولى سىندى قاتىناس بەلدەۋىنىڭ رولىن تولىق ساۋلەلەندىرۋىنە تەرەڭ ىقپال ەتەدى.

 ۇعىسۋعا قاراعاندا، بەيتۇن-التاي تەمىر جولى ىسكە قوسىلعاننان كەيىن ءتورت جولاۋشى پويەزىن ىسكە قوسادى، ۇرىمجى-بەيتۇن پويەزى، اقسۋ-ۇرىمجى وڭتۇستىك بەكەت پويەزى، قاشقار-قاراماي پويەزى قاتارلى ءۇش جولاۋشىلار پويەزىنىڭ قاتىناۋ ارالىعى ۇزارتىلىپ، بارلىعى التايدان شىعىپ سوڭعى بەكەتكە جول الادى.

上一篇:التاي ايماقتىق ح…  下一篇: