التاي قالاسىنىڭ ەمدەۋ قۇرىلىمدارىنىڭ باعاسىن رەتتەۋ حابارلاندىرۋى

作者:     发布日期:2017/9/8     点击数:194

قالا تۇرعىندارى:

«شينجياڭ ۇيعۇر اۆتونوميالى رايونىنىڭ ەمدەۋ قۇرىلىمدارىنىڭ قىزمەت وتەۋ باعاسىن ارنايلاستىرۋ (سىناق نۇسقاسى)»(شينجياڭ ۇيعۇر اۆتونوميالى رايوندىق دامۋ جانە رەفورما كوميتەتىنىڭ ءدارى-دارمەك ەمدەۋ باعاسى20171195-ءنومىرلى) حۇجات تالابىنا نەگىزدەلە وتىرىپ، اۆتونوميالى رايوندىق ۇكىمەت باسقارۋىنداعى ەمدەۋ قۇرىلىمدارى 2017-جىلى 31-تامىزدان باستاپ (بەيجيڭ ۋاقىتى 22:00) ۇستەمەلەنگەن ءدارى-دارمەك باعاسىن جالپى بەتتىك كۇشىنەن قالدىرادى (جۇڭگوشا ءدارى-دارمەكتەن باسقا دارىلەر)؛ 2017-جىلى 9-تامىز كۇنىنەن بۇرىن (بەيجيڭ ۋاقىتى 22:00) «شينجياڭ ۇيعۇر اۆتونوميالى رايونىنىڭ ەمدەۋ قۇرىلىمدارىنىڭ قىزمەت وتەۋ باعاسىن ارنايلاستىرۋ (سىناق نۇسقاسى)» جالپى بەتتىك اتقارىلادى، سىناق رەتىندە پايدالانۋ ۋاقىتى ءبىر جىل. قاتىستى ىستەردى تومەندەگىدەي ۇقتىرامىز:

باعا رەتتەۋدەگى ناقتى مازمۇندار:

1، ۇستەمەلەنگەن ءدارى-دارمەك باعاسىن كۇشىنەن قالدىرۋ (جۇڭگوشا ءدارى-دارمەكتەن باسقا دارىلەر)، مەملەكەت باسقارۋىنداعى ەمحانالاردىڭ ءدارى-دارمەك اقسىنا بۇدان كەيىن ٪15تىك ۇستەمە قاراجات قوسىلمايدى، ءدارى-دارمەك ساتىلىمىندا باعا پارقى ساقتالمايدى.

2، تومەندەگى بەس تۇردىڭ باعاسىنا رەتتەۋ جۇرگىزىلەدى:

(1) جالپىلىق ەمدەۋگە قىزمەت وتەۋ تۇرلەرى: ادەتتەگى ەمدەۋگە قىزمەت وتەۋ، ادەتتەگى تەكسەرىپ ەمدەۋ، الەۋمەتتىك اۋماق دەنساۋلىق ساقتاۋى جانە الدىن الۋ دەنساۋلىق قورعاۋ تۇرلەرى، باسقادا ەمدەۋگە قىزمەت وتەۋ تۇرلەرى،   قان پىلازىمالى ونىمدەر قاتارلى 5 تۇردى جالپى 128 تارماقتى قامتيدى.

(2) تەحنيكالىق ەمدەۋ تۇرلەرى: مەدەتسينالىق كەسكىن، ۆلترا دىبىس تولقىنمەن تەكسەرۋ، يادرولىق دارىگەرلىك، راديواكتيۆتى ساۋلەمەن ەمدەۋ، تەكسەرۋ، قان ءتيپى جانە قان سايكەستىرۋ، پاتولوگيالىق تەكسەرۋ قاتارلى جەتى 2-دارەجەلى تۇرلەر. بۇل تۇرلەردىڭ جالپى سانى 1054 تارماقتان قۇرالادى.

(3) كىلينيكالىق ەمدەۋ تۇرلەرى: كىلينيكالىق ەمدەۋدەگى ءتۇرلى جۇيەلىك ەمدەۋ، قانتامىرلار ارقىلى ينەرۆەنيتونال دياگنوز قويىپ ەمدەۋ، وپەراتيسا جاساپ ەمدەۋ، فيزيكالىق ەمدەۋ جانە  ساۋىقتىرۋدى قامتيدى، جالپى ءتورت ءتۇر 3026 تارماق.

(4) جٷڭگوشا جانە ۇلتتىق شيپارگەرلىك ەمدەۋ تۇرلەرى: جٷڭگوشا شيپارگەرلىك بويىنشا سىرتتان ەمدەۋ، جٷڭگوشا سۇيەك مەرتىگى، ينەمەن ەمدەۋ، قارىپ ساۋىقتىرۋ امالى، ىشەك اۋىرۋلارىن جۇڭگوشا ەمدەۋ، جۇڭگوشا شيپاگەرلىك ەرەكشە ەمدەۋ امالدارى، جٷڭگوشا جالپىلىق ەمدەۋ، ۇيعۇر ەمشىلىگى قاتارلى 9 تۇردى قامتيدى،  جالپى 187 تارماق.

ەمدەۋ قۇرىلىمدارىنىڭ قىزمەت وتەۋ باعاسىن ارنايلاستىرۋ قىزمەتى بۇقارامەن بايلانىستىراتىن «ەڭ سوڭعى ءبىر كيلومەتر»، ءارى مەملەكەت باسقارۋىنداعى ەمحانالاردى جاپپاي وڭاۋداعى ماڭىزدى كەزەڭ، بۇل رەتكى ەمدەۋگە قىزمەت وتەۋ باعاسىن رەتتەۋدى تياناقتاندىرعاننان كەيىن، ەمدەۋ جاعىنداعى ءتيمدى ساياساتتار ارقىلى حالىققا ءتيىمدىلىك جاساۋ ىلگەرىلەتىلىپ، «ەمدەلۋ قيىن بولۋ، باعا قىمبات بولۋ» ماسەلەسى شەشىم ەتىلەدى.

ەرەكشە حابارلايمىز!

كەڭەس سۇراۋ تەلەفون ءنومىرى: 2127736-0906

التاي قالالىق ەمدەۋ دەنساۋلىق ساقتاۋ قۇرىلىم رەفورماسى قىزمەتىنە باسشىلىق ەتۋ گرۋپپاسى كەڭسەسى

上一篇:التاي قالاسىنىڭ…  下一篇: