حيلۇڭجياڭ- التاي ارناۋلى ساياحات پويەزى التايعا جەتتى

作者:     发布日期:2017/9/15     点击数:423

حيلۇڭجياڭدىق 900 ساياحاتشى وتىرعان «حيلۇڭجياڭ- التاي» ارناۋلى ساياحات پويەزى 12- قىركۇيەكتە بەيتۇن ۆوگزالىنا جەتتى. بۇل حيلۇڭجياڭ ولكەسىنىڭ شينجياڭعا باعىتتامالى كومەكتەسۋ بويىنشا التاي ايماعىنداعى ساياحات كاسىبىنىڭ جەدەل دامۋىن جەبەۋ ءۇشىن التايعا جىبەرگەن تۇڭعىش ساياحات پويەزى سانالادى.

وسى ارناۋلى ساياحات پويەزى 5- قىركۇيەكتە حاربين قالاسىنان شىعىپ 8 كۇندە التايعا ءساتتى جەتتى. بەيتۇن ۆوگزالىندا ءار ۇلت كادر- جۇرتشىلىعى الىستان كەلگەن ساياحاتشىلاردى ىستىق ىقىلاسپەن قارسى الدى.

حاربيندىك ساياحاتشى: شينجياڭنىڭ التاي ايماعىنا تۇڭعىش رەت كەلۋىم، التايدىڭ قاناس كولى دۇنيە جۇزىنە ايگىلى، وسى جولى كوز مەيىرىن قاندىرۋعا كەلدىك، ءبىزدى قۇشاق جايا قارسى العان بەيتۇن قالاسىنىڭ تۇرعىندارىنا، بىزگە كوڭىل ءبولىپ قامقورلىق جاساعان قوعامنىڭ ءار سالاسىنداعىلارعا العىس ايتامىن.

12- قىركۇيەكتە «حيلۇڭجياڭ-التاي» ارناۋلى ساياحات پويەزى التايعا كەلگەن سوڭ 900 ساياحاتشى اۆتوكولىككە وتىرىپ قاناس كورىنىس رايونىنا بارىپ، التايدىڭ كوركەم كورىنىسىن ەمىن- ەركىن تاماشالادى. قاناستىڭ كۇزگى كوركەم كورىنىسى ساياحاتشىلاردى ءتانتى ەتتى.

حاربيندىك ساياحاتشى: شينجياڭعا تۇڭعىش رەت كەلۋىم، قاناس ايىتسا ايىتقانداي جەر ءجانناتى ەكەن، ونىڭ ۇستىنە شينجياڭ حالقىنىڭ ىستىق ىقىلاسىن اڭعاردىق.

حاربيندىك ساياحاتشى: بۇل جەردىڭ اۋاسى تۇنىق، كورىنىسى كوركەم ەكەن، بۇدان سىرت ەڭ ۇلكەن ەرەكشەلىگى بولسا ۇكىمەتتىڭ باسقارۋى وتە قاتاڭ، وتە جاقسى ەكەن، كەلەر جولى بالا-شاعامدى ەرتە كەلەمىن.

«حيلۇڭجياڭ-التاي» ارناۋلى ساياحات پويەزىن قاتىناتۋ حيلۇڭجياڭ ولكەسىنىڭ شينجياڭعا باعىتتامالى كومەكتەسۋ الدىڭعى قولباسشلىق شتابىنىڭ التاي ايماقتىق اكىمشىلىك مەكەمەسىمەن، حيلۇڭجياڭ ولكەلىك ساياحات كوميتەتىمەن، حاربين تەمىرجول حالىقارالىق ساياحات ىستەرىن دامىتۋ توبىمەن بىرلەسىپ، مەملەكەتتىڭ «ءبىر بەلدەۋ، ءبىر جول» ۇندەۋىنە ءۇن قوسىپ، جۇڭگٶ تەمىرجٶل باس سەرىكتەستىگىنىڭ «ادامداردى شينجياڭعا اپارۋ»، شينجياڭنىڭ ەكونوميكاسى مەن قوعامىنىڭ دامۋىنا قولداۋ كورسەتۋ ورنالاستىرۋى بويىنشا، اۆتونوميالى رايوندىق ساياحات مەكەمەسى جوبالاعان «پويەزعا وتىرىپ شينجياڭدى ساياحاتتاۋ» سىندى تانىمالدىق ستىراتەگياسىنا ساي، شينجياڭعا ساياحات كاسىبى ارقىلى كومەكتەسۋ، التاي ايماعىنا ساياحاتشىلار جەتكىزۋ جاعىندا جاساعان حالىق قالاۋىنان شىعۋ شاراسى بولىپ تابىلادى. 5-قىركۇيەكتەن 1-قازانعا دەيىن «حيلۇڭجياڭ-التاي» ارناۋلى ساياحات پويەزىنەن التايعا 4 پويەز كەلەدى، ءار جولعى پويەزبەن 900 گە جۋىق ساياحاتشى التايعا ساياحاتتاي كەلەدى. حاربيننەن التايعا كەلگەن ارناۋلى ساياحات پويەزىنىڭ باساتىن جولىنىڭ ۇزاقتىعى، باسىپ وتەتىن ولكەلەرىنىڭ كوپ بولۋى، ىقپالىنىڭ كەڭ بولۋى جاعىنان تاريحتا بولىپ كورمەگەن بولىپ، تەرەڭ رەال مانگە يە. حاربين قالاسىنان شىعىپ ەڭ سوڭىندا حاربين قالاسىنا جەتۋ وسى ارناۋلى ساياحات پويەزىنىڭ ەڭ زور ابزالدىلىعى ەسەپتەلەدى. ساياحات جەلىسىن جٶبالاۋدا ءبىر جەلىدە كوپ ساياحات ءتۇيىنى بولۋداي نىسانا جۇزەگە اسىرىلعان. ساياحاتشىلار التاي قالاسىنداعى بايگە الاڭى، ءشارىپقان باقشاسى، مۇراجاي سەكىلدى ورىنداردى تاماشالاپ، «حيلۇڭجياڭدىقتار مەن التايلىقتاردىڭ سۇيىسپەنشىلىگى» اتتى ارناۋلى كونسەرتتى كورەدى. وسىلايشا حيلۇڭجياڭنان كەلگەن ساياحاتشىلار التايدىڭ كوركەم كورىنىسىنە كوز مەيىرىن قاندىرۋمەن قوسا، التايداعى از ۇلتتاردىڭ سالت- ساناسى مەن التايدىڭ تاماشا گۋمانيتارلىق مادەنيەتىن اڭعارادى.

ايماقتىق پارتكومنىڭ ورىنباسار شۋجيى، حيلۇڭجياڭ ولكەسىنىڭ شينجياڭعا باعىتتامالى كومەكتەسۋ الدىڭعى قولباسشىلىق شتابىنىڭ باس قولباسشىسى لي بيڭ: كەلەر قادامدا، التاي ايماعىنىڭ ساياحاتتىق قىزمەت وتەۋ قۇرىلعىلارى مەن نەگىزدىك قىزمەت وتەۋ قۇرىلعىلارى ۇزدىكسىز كەمەلدەنگەن جاعدايدا، كەلەر جىلى ساياحات ارنالۋى پويەزىنىڭ سانىن 8 دە 10 پويەزعا جەتكىزەمىز، سونىمەن بىرگە التايدىڭ قار- مۇز مەكەنى بولۋ، جىبەك جٶلىنداعى ايالداما بولۋ جانە مىڭ شاقىرىمدىق ساياحات كوريدورى سەكىلدى تانىمالدىقتارىن اناعۇرلىم سومداپ، حيلۇڭجياڭ ولكەسى مەن التاي ايماعى اراسىنداعى ىشتەسۋ، ارالاسۋ، توعىسۋ ىستەرىن اناعۇرلىم كەڭەيتىپ، التاي ايماعىنىڭ ەكونوميكاسى مەن قوعامىنىڭ دامۋىنا تىڭ ءارى كەسەك ۇلەس قوسامىز.

كەلۋ قاينارى: التاي تەلەۆيزياسى

上一篇:جاز ايىنداعى تور…  下一篇: