«جۇڭحۋا حالىق رەسپۋبليكاسىنىڭ ەڭبەك توقتامى زاڭى» جونىندە كۇرىس اشتى

作者:     发布日期:2017/9/21     点击数:495

ەرىكتى ءتىلشى مەيىرگۇل ەمەن قىزى حابارلايدى. التىن تاۋ جولى سولتۇستىك الەۋمەتتىك اۋماعى 19-قىركۇيەك كۇنى ەڭبەك توقتام زاڭى جونىندە كۇرىس اشتى ، كۇرىسكە اۋماق قاراستىعىنداعى تۇرعىندارمەن كاسىپ كۇتكەن جاستار دان جالپى 30دان اسا ادام قاتىناستى ، كۇرىس جالپى مازمۇنى نەگىزىنەن مىنالاردى اتاپ وتتى:

1- تارماق  ەڭبەك توقتام زاڭى ەڭبەك توقتامى ءتۇزىمىن كەمەلدەندىرۋ، ەڭبەك توقتامى جاساسقان ەكى جاقتاعى قاتىستى ادامداردىڭ ۇقىعى مەن بورىشىن ايقىنداۋ، ەڭبەكشىلەردىڭ زاڭدىق ۇقىق-مۇددەسىن قورعاۋ، جاراسىمدى، ورنىقتى ەڭبەك قاتىناسىن ورناتۋ جانە دامىتۋ ءۇشىن جاسالدى.

 2- تارماق جۇڭحۋا حالىق رەسپۋبليكاسىنىڭ تەريتورياسىنداعى كاسىپورىن، جەكەشە شارۋاشىلىق ۇيىم، حالىق باسقارۋىنداعى كاسىپورىنعا جاتپايتىن ورىن سياقتى ۇيىمدار(تومەندە قىسقاشا ادام ىستەتەتىن ورىن دەلىنەدى) ەڭبەكشىلەرمەن ەڭبەك قاتىناسىن ورناتقاندا، ەڭبەك توقتامىن جاساسقاندا، اتقارعاندا، وزگەرتكەندە، كۇشىنەن قالدىرعاندا نەمەسە اياقتاتقاندا وسى زاڭ قولدانىلادى.

 مەملەكەت ورگاندارى، ءىس ورىندار، قوعامدىق ۇيىمدار جانە ونىمەن ەڭبەك قاتىناسىن ورناتقان ەڭبەكشىلەر  ەڭبەك توقتامىن جاساسقاندا، اتقارعاندا، وزگەرتكەندە، كۇشىنەن قالدىرعاندا نەمەسە اياقتاتقاندا وسى زاڭ بويىنشا اتقارادى.

 3-تارماق ەڭبەك توقتامىن جاساسقاندا زاڭدى،ءادىل، تەڭ، ەرىكتى بولۋ، كەڭەسىپ بىرلىككە كەلۋ، سەنىمدى بولۋ پرينسيپىنە بويسۇنۋ كەرەك.زاڭ بويىنشا جاساسقان ەڭبەك توقتامىندا بەلگىلەنگەن بورىشتارىن وتەۋ كەرەك.

 4-تارماق ادام ىستەتەتىن ورىن ەڭبەك ەرەجە-تۇزىمدەرىن زاڭ بويىنشا ورناتىپ جانە كەمەلدەندىرىپ، ەڭبەكشىلەردىڭ ەڭبەك ۇقىعىنان كەنەلۋىن، ەڭبەك بورىشىن وتەۋىن قامتاماسىزداندىرۋى كەرەك.

 ادام ىستەتەتىن ورىن جالاقى، قىزمەت ۋاقىتى، دەمالىس، ەڭبەك حاۋىپسىزدىگى، دەنساۋلىق ساقتاۋ، قامسىزداندىرۋ يگىلىگى، جۇمىسشى-قىزمەتشىلەردى تاربيەلەۋ، ەڭبەك ءتارتىبى، سونداي-اق ەڭبەك نورماسىن باسقارۋ سياقتى ەڭبەكشىلەردىڭ ءتول مۇددەسىنە تىكە ساياتىن ەرەجە-تۇزىمدەردى جاساعاندا، وعان وزگەرىس ەنگىزگەندە نەمەسە كەلەلى ىستەردى بەلگىلەگەندە، جۇمىسشى-قىزمەتشىلەر ۋاكىلدەرى قۇرىلتايى نەمەسە جالپى جۇمسشى-قىزمەتشىلەردىڭ تالقىسى ارقىلى جوبا جانە پىكىر العا قويىپ، جۇمسشى ۇيىممەن نەمەسە جۇمىسشى-قىزمەتشىلەر ۋاكىلدەرىمەن تەڭ تۇرعىدا اقىلداسىپ تۇراقتاندىرۋ كەرەك.
ەرەجە-تۇزىمدەر مەن كەلەلى ىستەردى بەلگىلەپ، اتقارۋ بارىسىندا جۇمىسشى ۇيىمى نەمەسە جۇمىسشى-قىزمەتشىلەر ورىندى ەمەس دەپ ەسەپتەسە، ادام ىستەتەتىن ورىنعا ايتىپ، كەڭەسۋ ارقىلى وزگەرىس ەنگىزىپ كەمەلدەندىرۋگە ۇقىقتى.

ادام ىستەتەتىن ورىن ەڭبەكشىلەردىڭ ءتول مۇددەسىنە تىكە ساياتىن ەرەجە-تۇزىمدەر مەن كەلەلى ىستەر جونىندەگى بەلگىلەمەلەردى جاريالاۋى نەمەسە ەڭبەكشىلەرگە ۇقتىرۋى كەرەك.

 5-تارماق اۋدان دارەجەلىدەن جوعارى حالىق ۇكىمەتىنىڭ ەڭبەك اكىمشىلىك تاراۋى جۇمىسشى ۇيىمىمەن جانە كاسىپورىن جاعىنىڭ ۋاكىلدەرىمەن ەڭبەك قاتىناسىنىڭ ءۇش جاقتى مەحانيزمىن ورناتىپ، كەمەلدەندىرىپ، سايكەستىرىپ، ەڭبەك قاتىناسىنا قاتىستى كەلەلى ىستەردى بىرگە اقىلداسىپ بەلگىلەيدى.

 6-تارماق جۇمىسشى ۇيىمى ەڭبەكشىلەردىڭ ادام ىستەتەتىن ورىنمەن ەڭبەك توقتامىن جاساۋىنا جانە اتقارۋىنا كومەكتەسىپ، وعان جەتەلشىلىك ەتىپ ءارى ادام ىستەتەتىن ورىنمەن كوللەكتيۆ اقىلداسۋ مەحانيزمىن ورناتىپ، ەڭبەكشىلەردىڭ زاڭدى ۇقىق-مۇددەسىن قورعاۋى كەرەك.وسى زاڭ اتقارىلۋدان ىلگەرى ەڭبەك قاتىناسى ورناپ جازباشا ەڭبەك توقتامىن جاساسپاعان بولسا، وسى زاڭ اتقارىلعان كۇننەن باستاپ ءبىر اي ىشىندە جاساسۋ كەرەك.

قيمىل سوڭىندا ، قيمىلعا قاتىسۋشى مۇشەلەر بىر اۋىزدان بىلاي دەستى: بىز بۇل جولى ەڭبەك توقتام زاڭىن جەتە تۇسىنگنەندەي بولدىق ، بۇرىن سوڭىدى بۇنداڭ تولىق مازمۇندا تۇسىنىپ كەتپەيتىنبىز ، اۋماق قىزمەتكەرلەرىنە ، پارتياعا راحىمەت .

كەلۋ قاينارى: التىن تاۋ سولتۇستىك جولى الەۋمەتتىك اۋماعى

 

上一篇:ۇلىت-ءدىن ساياسا…  下一篇: